Жасөспірімдердің стресске төзімділігі мен шығармашылық әлеуетін дамытудың психологиялық механизмдері - сыбайлас жемқорлыққа қарсы мәдениеттің негізі ретінде

Аңдатпа

Мақалада жасөспірімдердің стресс жағдайларына төзімділігін және шығармашылық әлеуетін дамытудың психологиялық механизмдері тұлғаның сыбайлас жемқорлыққа қарсы мәдениетінің (СЖҚМ) маңызды құрамдас бөлігі ретінде қарастырылады. Зерттеу Қазақстан Республикасының Ғылым және жоғары білім министрлігінің (2025–2027 жж.) AP26194077 «Білім беру қызметкерлерінің сыбайлас жемқорлыққа қарсы мәдениетінің негізі ретінде стресс-төзімділікті қалыптастыру» гранттық жобасы аясында жүргізілді. Жұмыста жасөспірімдердің шығармашылық әлеуетін ашуға және олардың мазасыздық деңгейін төмендетуге арналған авторлық әдістеменің бейімделген нұсқасы - «Ізденіс» ұсынылған. Зерттеу үлгісіне Алматы облысының жалпы білім беретін мектептерінде оқитын 15–16 жастағы 164 оқушы қатысты. Эксперимент нәтижелері проективтік әдістерді қолдану өзін-өзі реттеу, позитивті ойлау және стресс жағдайларына төзімділікті дамытуға ықпал ететінін көрсетті. Стресс-төзімділік пен шығармашылықты дамытудың психологиялық моделі тұлғаның сыбайлас жемқорлыққа қарсы тұрақтылығын қалыптастырудың тиімді құралы ретінде қарастырылады.